...

ربنــــا يستـــر

unexpected gift in un expected time (:

شكراً يا أمــل

بجد مفيش كلمة توصف فرحتي

فرحتي بالهدية

وفرحتي

بيكي

FRIENDS 4 ever

First tag

قرررررررب قرررررررب ..شوف و اتفررررررج

أول تاج ليا

(:

ومتأخر جداً كمان ..

معلش يا ايبي ..كنت مشغولة الفترة اللي فاتت ..

بس أخيراً هيشوف النور

قالولك اختار عصر من عصور مصر علشان تعيش فيه ...تختار اى عصر و فى عهد اى حاكم ؟؟ اشمعنى العصر ده؟؟

لو عندك آلة الزمن ..مممممم مش عارفة أروح فين ؟؟
أخاف أتوه بين العصور وبدل ما أروح العصر الذهبي ..أغلط وأروح في العصر الأسود ..
لا خليني هنا أحسن (:

اول اولويه فى حياتك:عيلتك ...شغلك و لا اصحابك؟؟؟
هو كلها أولويات بصراحة يعني معرفش أستغنى عن عيلتي وقرايبي..أو صحابي..أو أعيش بدون طموح في حياتي العملية
..بس بقى على حسن المواقف بنحدد ساعتها
وسعات بيكون في ظروف تجبرك على أولوية معينة ..

لكن عيلتي هي المحور الأساسي وعليها برتب باقي ظروفي
.
ايه اكتر حاجه بتحبها فى رمضان؟؟؟؟
رمضان هدية من ربنا ..الروحانيات ..الراحة النفسية والطمأنينة ..طبعا لمة العيلة و الفوانيس ..وأغاني رمضان بتاعت
زمااان ..
سماع القرآن من قراء صوتهم حلو في التراويح
يااااه إمتة يجي رمضان ..
.
اوصف ليا اجمل فطار ممكن تفطره
فطار رمضاني ..فطارنا مع خالي وتيتة و اخواتي وماما وبابا ..
أو لما يتجمع آل بكير ..بيبقى يوم راااائع ..القعدة دمها خفيف ..كلنا بنجب بعض ..ضحكات ..أفشات ..بجد أيام متتنسيش
.

نفسي أفطر ساعت شروق الشمس وأنا في جنينة أو على شط معاه ..(:
لو انت حاكم على مجموعه من الافراد هتكون عادل؟؟؟ طب هتعمل ايه علشان تتاكد انك حاكم عادل؟؟؟

.تفتكر هقول هبقى ظالم... محدش بيقول على نفسو ظالم..
وصعب أكون عادلة 100% بس هحاول على قد ما أقدر ..
ساعتها بقة مش هيغمضلي جفن .. لازم الناس اللي حواليا يبقوا صادقين ..يساعدوني وينصحوني

اللى بيبوظ الحكام ...نفسهم و لا الشعب و لا الحاشيه المقربه؟؟؟

التلاتة .. بس لو الحاكم نفسو عايز يكون كويس هيعرف يختار حاشيته والمقربين ليه ..
وياعيني على الشعب الغلبااان

مين اكتر اعلامى مصرى بتحترمه؟؟؟
يعني مفيش حد معين ..سعات منى الشاذلي وحمدي قنديل
.
لو ممكن تشتغل شغلانه تانيه غير اللى انت بتشتغلها او هتشتغلها كنت تتمنى تبقى ايه؟؟؟
أنا بحب صيدلة جداً ومستمتعة الحمدلله بدراستها لحد دلوقتي ..ربنا يسهل اللي جاي
يمكن كان ممكن أبقى مصممة جرافيكس ..ده مش ممكن ..لأ ده أكيد ............لإني بعشق أي حاجة ليها علاقة بالرسم والتصميم والألوان و الصور و الكمبيوتر..وكل دول ممكن مصمم الجرافيكس يدخلهم في بعض ..

.
تانى بلد تتمنى تعيش فيه بعد مصر ايه؟؟؟
انجلترا
.
اوصف ليا ترتيبات اجمل فرح ممكن تحضره
فرح في جنينة ..في الهواء الطلق .. ومع الإضاءة شموع .. و الورد يكون بنفسجي وياسلام لو لافندر ..
ميكونش زحمة أوي..يبقى الناس اللي حاضرين من أقرب المقربين ويكونوا فرحانينلنا بجد..عواجيز الفرح ملهمش مكان .. اشرب اكسير الشباب قبل ما يجي الفرح (((:
الأغاني تكون منتقاة جدا ومفلترة .. موسيقى هادية معبرة ..


.
بتراعى كلام الناس و القيل و القال؟؟؟ لو اه او لو لا ليه؟؟؟
تدخل الناس ده ليه حدود .. وطالما تصرفاتي مش بتغضب ربنا ..واني أكون أنا راضية عن نفسي يبقى ميهمنيش حاجة
.
صحيت ملقتش الموبايل و لا الكومبيوتر و لا الكاميرا الديجتال و لقيتنا رجعنا لعصر الحمام الزاجل و الحصنه هتكون
سعيد؟؟؟
بصراحة لا .. سعات بحب أبعد عنهم شوية ..بس مش علىطول ..لإني بعد ما تعودت على استخدام التكنولوجيا دي ..بقت ضرورة وجزء من حياتي ..مش رفاهية ..

يعني لو عايزة أبعت جواب استنى شهور عشان يوصل ويجيلي ردوا ..إيه الشلل ده ؟؟؟؟(:
طب قول بالبريد ماشي..بس مش الحمام الزاجل ..

.
السعاده هى.....؟
إنك تحس إنك إنسان .. فعال .. ليك أهمية ..بتأثر في الناس ..
السعادة إن بالك يكون مرتاح ..وتبقى راضي عن نفسك
السعادة إنك تحس بحب من الناس .. وبالذات من اللي انت بتحبهم


.
عندك امل؟؟ اسبابك؟؟؟
أيوة الحمدلله ..لولا الأمل هنعيش ليه و لمين ؟؟
.
ما بتحب تهرب من كل شىء بتروح فين؟؟؟؟
أما بحب أهرب مش عارفة بعمل إيه ساعتها ..مش بحس بنفسي ..سعات بنام ..سعات بقعد على النت لحد أما أتعب و أنام برده (:
.
امتى اول مره خدت فيها نفس طويل كده و قلت بينك و بين نفسك " ياااه اظاهر ان انا فعلا كبرت" ؟

لما بشوف صوري وأنا صغيرة ..مش بصدق إن دي هي أنا ..هي فين اللي في الصورة دي ..
لما كنت في ثانوية عامة ..لما دخلت الكلية .. لما بشوف قرايبي الصغيرين بقول ده أنا عجزت ..
وكتير بسأل نفسي ياترى الأيام دي راحت فين ..وإيه اللي بقي منها ..

.
لما بتعمل عمل خيرى بيكون ايه هو دافعك الاول؟؟؟
رضى ربنا أولا و آخراً ..وإني أدخل فرحة في قلب حد..
.
بتشرب سجائر؟؟؟ لو الاجابه اه ايه شعورك لو شفت ست بتشرب سجاير؟؟؟ ليه؟؟؟
لا مبشربش
ببقى مضايقة جدا لما بشوف ست بتشرب سجاير .. مش عارفة ليه بالظبط لإن المفروض نضايق لما نشوف أي حد بيشرب
سواء ست أو راجل..بس يمكن عشان إحنا دايما بنبص للست إنها أم ومربية و إنها على فطرتها وبرائتها ..

بس تخيلوا إني شفت منظر مش معقول..شفت ست بتشرب شيشة في جنينة عامة ..وياريتها على كدة وبس ..لا دي كمان
بتدي لابنها اللي يدوب ميكملش 3 سنين عشان ياخدلو نفس هو كمان ... 0:
أمهات آخر زمن !!!!!


.
بتعرف ايدك اليمين من الشمال ازاى؟؟؟؟

عمري ما فكرت في الموضوع ده ..ليه الأسئلة المتعمقة في النفس البشرية دي (:

بس افتكرت حاجة دلوقتي ..وأنا صغيرة لما ماما كانت بتعلمني فين ايدي اليمين والشمال ..
هي قاعدة قدامي وبتقولي أهي اديكي اليمين وبتشاورلي عليها ..وبتشاور على ايدها هي وبتقولي دي ايدي اليمين ..فطبعا
هي مش مرايا ..فكنت بقولها اشمعنى أنا ايدي اليمين دي وكلكم ايديكم اليمين النحية التانية (((:
شفتوا هبل أطفال زي كدة

(:


ايه اكتر آله موسيقيه بتحبها؟؟
البيانو والجيتار
.
فى رايك ليه الذوق و النخوه انعدموا؟؟؟؟

يمكن عشان الناس بعدت عن ربنا ..فمفيش دافع للأخلاق

ايه الحاجه اللى لو حصلتلك تبقى سعيد اوى؟؟؟
حجات كتييييييييير

ده سر مش أي حد يعرفوا

(:

.
اختار يبقى عندك...ارض زراعيه و لا اجنس عربيات و لا كام عماره و لا فلوس فى البنك؟؟؟؟
أرض زراعية و عربية
ايوة صحيييح عمارة كمان ..مش العقارات ماشيية أوي اليومين دول ..أحسن من الفلوس الللي في النازل ..
((:
.
البحر و لا النيل؟؟؟
البحر عالم تاني ..بخاف من غضبه ..
..و النيل في كل وقت
.
تركب ولا طيارة ؟
طيارة ..عشان اوصل بسرعة .. (:

.
تقرى كتاب و لا تتفرج عليه فيلم؟؟؟
الاتنين........ باحب القراءة جدا...
و باموت في السينما و الصورة و المشهد و الاخراج

to not be broken

Don't stop

z.Z.z.Z.z.Z

I wanna sleeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeep

A horrible dAy

The day before Organic Exam