ياللي بتسأل عن السـعادة ياللي بتسأل عن الحياة
السعادة مش في منصب أو فلوس كتير و جاه
السعادة في ابتسامة .. طفل لسة الخير جواه
في احساس واحد بيغرق و بترميله طوق نجاه
متعـيش تفكر في ماضي ..أوعى تيأس وابقى راضي
حتى لو حلمك بعيد .. هتوصلو ده أكيـــد
هتعيش بسيط هتموت سعيد
إياك تستسلم لو وحيــد
إوعاك تقول أنا مش مميز ..أكيد جواك في شيء فريد
عيش الدنيا و أوعى هي تعيشك يوم
إفضل احلم
لو وقعت أكيد هتقوم
أوعى تيأس لو مهموم
ليه هترضى تعيش مظلوم
-
-
-
-
دايما ً اضحك للمشاكل
عيش مسؤل متعيش سائل
لو خسرت أكيد هتكسب
مش هتخسر لما تتعب
أوعى تتردد وتهرب
حاول من ربك تقرب
بس جرب
بس جرب
----
كريم نجيب
