برنامج من برامج رمضان الكتييييرة
ديني
مش غريبة وخصوصاً في رمضان .. هو صحيح عدد البرامج الدينية مبيتفوقش أبداً على المسلسلات و الإعلانات واللقاءات و التفاهات ...
بس بجد البرنامج ده مميز أوي
وعجبني جدا
بيقدمه معز مسعود على قناة اقرأ
عجبني لإني حسيت بصدق و بساطة
أسلوبه مفهوم وبلغة الشباب
ويوصل للقلب
بيوصل للقلب لإنه طالع من القلب ..وناتج من تجربة شخصية..
واحد فعلاً كان بعيد عن الدين والالتزام ومنغمس في المعاصي ..
وداق القرب من ربنا و حلاوة دينا .. وإننا نقدر نكون متدينين ناجحين مبسوطين في حياتنا مش نكديين زي ما معظم الناس ما بتفتكر إن الشخص المتدين ده مش هيعرف يستمتع في دنيته وإنو هيكون كئيب يعني كئيب
بيحاول يوصلنا تجربته ويقنعنا إن الطريق اللي ربنا رسمهولنا هو الطريق الصح
الطريق الصح هو اسم البرنامج
ربنا يكرمك يا معز ..
فكرته ملخصة في أغنية البرنامج وهي:
شيل الدين من الدنيا هتتحول في ثوانى لغابة
بس إزاي الناس هتقرب لو شايفينوا كـــآبة
عارف ليه بيجلنا أمل ودايماً بيروح كالعادة
فــاكرين الطريق الصح مفيهوش ســــعادة
نار او جنة الدنيا تعشها إنت بتختار بإرادتك
لو ربنا قال لك ده غلط قالها علشان مصلحتك
الـلي بيضحك للدنيا الدنيا هتضـحك له زيادة
حب وخلي الكل يحب يا ناس ده الحب عبادة
أيوه إكـره أي غلط ومتكرهش الغلطان
كان ممكن تبقي إنت مكانه، تكون في التوبة طمعان
أو تايه ومحدش دله الصح طريقه إزاي
إدعيله ربنا يهديه، ويغير عمره الجاي
عارف ليه بيجلنا أمل ودايماً بيروح كالعادة
فكرين الطريق الصح مفيهوش سعادة
ودا موقع معز مسعود وعليه الاغنية صوت
www.moezmasoud.com
2 comments:
أيوه إكـره أي غلط ومتكرهش الغلطان
..................................
من حكمة الله فى ان كل عباده يذنبون ان يستشعر العارف بالله الرحمة على اخيه العاصى ولولا ذاك لما سعى أهل الايمان و القرب فى اهل المعاصى الا بالتقريح و التجريح
بوست رائع...استمرى :)
:)
Kol sana wenty tayba :)
Post a Comment